«Мектебім, саған мың алғыс!» Соңғы қоңырау — балалық шақпен қоштасудың, жаңа өмірге қадам басудың нышаны. Бүгін мектебіміздің ауласында толқыныс пен қуаныш қатар өрбіген ерекше күн өтті. 11-сынып түлектері ақ бантигі мен көк лентасын тағып, мектеппен қоштасу сәтін жүрек тебіренісімен қарсы алды. Құттықтау сөздер, естелік әндер, гүл шоқтары мен көз жасына толы сәттер… Мектеп қабырғасынан алған білім мен тәрбие – өмірлік жолда шамшырақ боларына сенеміз. Сәт сапар, түлек! #СоңғыҚоңырау

Облыстық “Жас құтқарушы” слетінде “Газет-жарнама қалқаны” кезеңінде ІІ-орын иеленді.

Ұлы Отан соғысындағы Жеңістің 80 жылдығына орай облыстық “Алау” әскери-спорттық ойынынан жүлделі ІІІ-орын иеленді.

Ұлы Отан соғысының аяқталуына 80 жыл толуына орай оқушылар арасында «Айбын» аудандық әскери-патриоттық ойынына мектебіміздің командасы қатысып АК-74 автоматын бөлшектеп жинақтаудан үздік нәтиже көрсеткені үшін Ерікұлы Бағлан бағалы сыйлық пен мадақтамамен марапатталды.

Ұлы Отан соғысының аяқталғанына 80 жыл толуына байланысты , ел тағдыры үшін ерлік көрсеткен ата бабаларымыздың рухына тағзым ету мақсатында аудандық әскери- патриоттық бағытта " Жас құтқарушы" слеті ұйымдастырылды. Командалық жарыстан Ж. Сыдықов атындағы орта мектебінің оқушылары жүлделі 1 орынды иеленді. Жетекшісі Ж.Көптлеуов.

"Мамандықтар марафоны" жобасы аясында оқушылардың төтенше жағдай қызметкерлерінің ұйымдастырылуымен "Ашық есік" күні ұйымдастырылды.

Облыстық “Best мектеп парламенті” жарысында мектеп парламенті “Командалық рух” номинациясын жеңіп алды! Жарыс барысында презентация қорғап, түрлі тапсырмаларды орындадық. Бұл жеңіс — бірлік пен ұйымшылдықтың нәтижесі. Осындай тәжірибе үлкен шабыт сыйлады. Барлық ұйымдастырушыларға және қолдау көрсеткен жандарға алғыс білдіреміз! Алда жаңа белестер!

"Біртұтас тәрбие" бағдарламасына сәйкес оқушылар арасында экологиялық тәрбиені қалыптастыру мақсатында жоғары сынып оқушылары экологиялық акция ұйымдастырып, сенбілікке шықты

Қамқор жүректен — шексіз мейірім! «Қамқор» жобасы аясында мектеп оқушылары қарттарға қолғабыс көрсетіп, көмек қолын созды. Үй шаруасына көмектесті, ауласын тазалады, жылы сөз айтып, қуаныш сыйлады. Мейірімділік — кішкентай істерден басталады. Біз бірге — мейірімді қоғам құрамыз! #ҚамқорЖобасы #ЖасҚайырымдылар #ҰрпақтарСабақтастығы #МейірімШуағы #Jasyldyr 

Ағымды жылдың 24 сәуір күні – 9«Б» сынып оқушылары, Жайдарманның Обылыстық іріктеу лигасына қатысып, үлкен сахна төрінде өнер көрсетті. Бұл біздің мектебіміздің алғашқы қадамы болса да, үлкен жауапкершілікпен дайындалып, көрермен алдына зор сеніммен сахнаға шықты.