07
October
2020
Ж.Сыдықов атындағы орта мектебіндегі МҰРАЖАЙДЫҢ салтанатты ашылуы
Ж.Сыдықов атындағы орта мектебіндегі
МҰРАЖАЙДЫҢ салтанатты ашылу жиынының өтілуі туралы мәлімет
Мұражай – тарих айнасы, ол - ғылыми, мәдени-тарихи орталығы. Бүгінгі киелі мекенде ашылып отырған мұражайымыз – Қазақ академиясының Академигі гидрогеология ғылымының профессоры, Ақсу ауданының Құрметті азаматы Жүрімбек Сыдықұлы Сыдықовқа арналады. Болашаққа бағдар «Рухани жаңғыру» бағдарламасы аясында 07 қазан 2020 жылы Ж.Сыдықов мектебінде, Ж.Сыдықов атамыздың мұражайы салтанатты түрде ашылды. Ашылу салтанатына қатысқан қонақтар Ж.Сыдықов атамыздың ұрпақтары, Ақсу ауданы әкімінің орынбасары Есжанов Ғазиз Отарбайұлы, Аудандық білім бөлімінің басшысы Рамазанов Бегімбек Сейпілмәлікұлы Аудандық білім бөлімінің сектор меңгерушісі Қожанова Салтанат Айтқожақызы,ауданымызға белгілі ақын Атанбаев Бекболат, Ақсу өңірі газетінің редакторы Қасымбекова Лаззат Қалмұханбетқызы және ардагер ұстаздар қатысты.
Мұражайдың ашылу салтанатында алғашқы құттықтау сөз сөйлеген ақсу ауданы әкімінің орынбасары Есжанов Ғазиз Отарбайұлы Жүрімбек Сыдықов атамыздың еңбек жолдарына тоқталып, мұражайдың ашылғанына қуанышты екендігін айтып өтті. Келесі құттықтау сөз кезегінде атамыздың ұрпағы Егізова Ақжамбы Сарқытбайқызы Жүрімбек Сыдықов атамыздың ұрпақтарымен таныстырып, мектеп ұжымына алғысын айтып өтті.
Құттықтау сөз кезегінен кейін 11 сынып оқушылары Жұмабек Бердібек, Ақиқат Нұрзат, Бектай Бауыржан атамызға арнаған арнауларын оқып, 6 сынып оқушысы Ошан Хасен «Әкешім» әнін орындады.Келесі кезекте мұражайдың лентасын салтанатты түрде кию рәсімі өтті.Мұражайдын лентасын қию рәсімі ақсу ауданы әкімінің орынбасары Есжанов Ғазиз Отарбайұлы және ақсу ауданның білім бөлімінің басшысы Рамазанов Бегімбек Сейпілмәлікұлына беріліп, мектеп ұстаздары шашу шашып, ауданымызға белгілі ақын Атанбаев Бекболат ағамыздан бата алдық. Мектебіміздің Тарих пәні мұғалімі Досымбеков Өркен Әлібекұлы келген қоңақтарды мұражайдың ішімен таныстырып шықты. Мұражайдың ашылу салтанаты өз мәресіне жетіп, келген қонақтар алғыстарын айтып тарқасты.
