Тәжірибелік алаң

Мектебімізде 16 қараша күні жаңа форматтағы педагогикалық кеңес өткізілді. Кеңестің бірінші бөлімі күн тәртібіндегі мәселелерді талқылауға арналса, екінші кезеңі тәжірибелік алаң түрінде ұйымдастырылды. Әдістемелік пән бірлестіктері коллаборативті жұмыс атқарып, ұжым ішіндегі ынтымақтастық күшейе түсті. Тәжірибелік алаңда тың идеялар ортаға салынып, мұғалімдер тарапынан қызығушылық пен қолдау тапты. Мектеп директоры Ә.Сыздықбаев ұсынылған креативті идеяларды іріктеп, орындау үшін педагогтерге арнайы тапсырма берді. Жаңа форматтағы тәжірибелік алаң мұғалімдерге жаңа серпіліс беріп, оқу процесінің жандана түсуіне айтарлықтай әсер етті.