Н.Ә.Назарбаев– Қазақстан Республикасының Тұңғыш Президенті биыл 80 жасқа толды.

6 шілде қазақстандықтар дәстүр бойынша астанамыз Нұр-Сұлтан қаласының күнін атап өтеді, сонымен бірге дәл осы күн елбасымыз Н.Ә.Назарбаевтың туған күнімен тұспа-тұс келіп тұр – Қазақстан Республикасының Тұңғыш Президенті биыл 80 жасқа толды. Күнтізбеге қызыл белгімен енетін бұл күннің еліміз үшін орны ерекше. Бүгінде әлем мойындаған тәуелсіз еліміздің уығын қадап, шаңырағын көтеріп, іргесін бекіткен Тұңғыш Президентіміз Нұрсұлтан Назарбаевтың халық алдында, мемлекет алдында еңбегі орасан зор.

КСРО күйреген шақта жеріміздің тұтастығын сақтап, ел іргесін сөкпей, татулық пен бірлікті, достық пен сыйластықты ту етіп, тәуелсіздігі тұғырлы, жасампаз Қазақстан мемлекетін құрды. Күрмеуі қиын шақтарда өзіне сенім артқан жұртын берекелі бірлік пен өркениетке бастап, Қазақстанды дамыған әлеуетті мемлекеттердің алдыңғы қатарына қоса білген Президенттің халық үшін еткен қызметі ерен. Қазіргі кезде есімі елімен қатар аталып, алыс-жақын мемлекеттерде мәртебесі тасыған Тұңғыш Президентіміздің туған күні әрбір қазақстандық үшін мерейлі мереке екені анық.